- ४ श्रावण २०८३, सोमबार / Jul 20, 2026
काठमाडौं । सोमबार नयाँ बसपार्कमा भएको लुटपाटमा संलग्नहरुलाई कारवाही गर्न मोबाइल व्यवसायीहरुले माग गरेका छन् ।
काठमाडौंको नयाँ बसपार्कस्थित ल्होत्से मलमा यातायात व्यवसायीहरुको आन्दोलनको क्रममा भएको लुटपाटमा संलग्नहरुलाई कारबाही गर्न माग गरेका हुन ।
यातायात मजदुरहरुले काठमाडौंका माछापोखरी र नयाँबसपार्क क्षेत्रमा सोमबार गरेको प्रदर्शनको क्रममा मोबाइल पसलमा लुटपाट भएको र ती मोवाइल लुटेराहरुलाई कारबाही गर्न उनीहरुले माग गरेका छन् । सोमबार भएको लुटपाटमा ८ देखि १० करोड रुपैयाँ बराबरको लुटपाट भएको नेपाल मोबाइल व्यवसायी संघले दाबी गरेको छ ।
यातायात मजदुरहरुको प्रदर्शनका क्रममा ल्होत्से मलमा रहेका मोवाइल पसलहरुमा लुटपाट भएको थियो । ब्यवसायीहरुले लुटपाटमा संलग्नलाई कारबाही र पीडितलाई सरकारले क्षतिपूर्ति दिनुपर्ने माग गरिरहेका छन् ।
