युवक हत्यामा तीन जना पक्राउ

कैलाली । जानकी गाउँपालिका ५–मा कुटपिट गरी युवकको हत्या भएको छ । बिहीबार राति युवाहरुको आक्रमणमा परी लम्कीचुहा नगरपालिका–३ का २२ वर्षीय भरत तिमल्सिनाको हत्या भएको प्रहरीले जनाएको छ ।

राति साढे १० बजेको समयमा जानकी–५ मा युवा समूहको आक्रमणमा गम्भीर घाइते भएका तिमल्सिनालाई उपचारका लागि नेपालगञ्ज लगिएकोमा अस्पताल पुर्‍याउने बित्तिकै चिकित्सकले मृत घोषणा गरेको इलाका प्रहरी कार्यालय टीकापुरका प्रमुख मधुसुदन न्यौपानेले बताए ।

तिमल्सिनाको हत्या गरेको आरोपमा तीन जनालाई प्रहरीले पक्राउ गरेको छ । स्थानीय मानबहादुर चैधरी, केशव टमटा र समर चौधरीलाई पक्राउ गरिएको जानकारी दिए ।