- १० असार २०८३, बुधबार / Jun 24, 2026
पोखरा । हवाई दुर्घटनापछि सुस्ताएको पोखराको हवाई उडान विस्तारै गति लिन थालेको छ । सेती खोँचमा यती एयरलाइन्सको विमान माघ १ मा दुर्घटनापछि हवाई यात्रुको चाप ५० प्रतिशत घटेको थियो ।
विमानस्थलको आन्तरिक प्रस्थान विन्दुतर्फ यात्रुको चाप बढ्न थालेको छ । शौर्य एयरलाइन्सले रात्रिकालीन उडान—सेफ ल्यान्डिङ गरेपछि पोखराबासीमा खुसीयाली छाएको छ ।
सौर्य एयरको विमान बुधबार राति पोखरा विमानस्थलमा सफल अवतरण भएको हो ।
३३ जना यात्रु बोकेर काठमाडौँबाट उडेको सौर्यको ‘९ एन–एएमई जेट इन्जिन जहाज’ राति ८ः४५ बजे पोखरा विमानस्थलमा सफल अवतरण गरेको प्रमुख विक्रम गौतमले बताए । काठमाडौँ—पोखरामा रात्रिकालीन पहिलो उडान हो ।
रात्रिकालीन उडान सुरु भएसँगै डिले भएका उडान सहज हुने विमानस्थल प्रवक्ता जशोदा रेग्मीले बताइन् ।
