राष्ट्रपति जैर बोल्सोनारोबिरुद्ध ब्राजिलमा प्रदर्शन

काठमाडौं । राष्ट्रपति जैर बोल्सोनारोको बिरोधमा ब्राजिलमा हजारौं प्रदर्शनकारीहरुले प्रदर्शन गरेका छन् । ब्राजिलको बिपक्षी दल र ट्रेड युनिएनको संयुक्त आयोजनामा सडकमा प्रदर्शन गरिएको हो । राष्ट्रपतिका कारण देशमा भ्रष्टाचार, गरिबी, भोकमरीको समस्या बढेको प्रदर्शनकारीहरुको आरोप छ ।

उनीहरुले लोकतन्त्रको रक्षाका लागि जनता एकजुट भएको बताइ रहेका छन् । ब्राजिलको रियो दि जेनेरियो लगाएत १ सय ६० शहरमा एकै समय भेला भएका प्रदर्शनकारीहरुले राष्ट्रपतिले पदत्याग नगरेसम्म प्रदर्शन जारी राख्ने बताएका छन् । राष्ट्रपति बोल्सोनारोले कोरोना महामारी नियन्त्रणमा लापरवाही गरेका कारण ६ लाख भन्दा बढीले ज्यान गुमाउनु परेको भन्दै उनीहरुले राष्ट्रपतिको पदत्यागको माग गर्दै नारबाजी समेत गरे ।