- १३ भाद्र २०८३, शनिबार / Aug 29, 2026
एजेन्सी । संयुक्त राष्ट्र संघको महासभालाई युक्रेनका राष्ट्रपति भोलोदिमिर जेलेन्स्कीले सम्बोधन गरेका छन् । युक्रेनलाई रुसी आक्रमणबाट मुक्त गर्न विश्व समुदायलाई भावुक सम्बोधनका क्रममा उनले अपिल गरे । रुसका आणविक हतियार नियन्त्रण गरी रुसी राष्ट्रपतिलगायतलाई युद्ध अपराधीको रुपमा दण्डित गर्न पनि विश्व समुदायलाई उनले आग्रह गरेको बीबीसीले जनाएको छ ।
आफ्नो ट्रेडमार्क सैन्य पोशाक लगाएका जेलेन्स्की रुसले युक्रेनमा आक्रमण थालेपछि पहिलो पटक संयुक्त राष्ट्रसङ्घको महासभामा सहभागी भएका हुन । यसैबीच संयुक्त राष्ट्रसंघको महासभामा रूसले युक्रेनमा गरेको आक्रमणलाई लिएर चर्को आलोचना भएको छ । सन् २०२२ को फेब्रुअरीमा रुसले युक्रेनमा आक्रमण शुरु गरेको थियो ।
जेलेन्स्कीले रुसविरुद्धको युद्धमा थप समर्थन र साथ खोज्दै रुसले विश्वलाई नै युद्धमा धकेल्न खोजेको आरोप लगाए । उनले रूसले खानादेखि ऊर्जासम्म सबै हतियार बनाएको आरोप समेत लगाए ।
जलवायु परिवर्तन जस्ता साझा चुनौतीलाई समेत रुसले बेवास्ता गरेको भन्दै उनले रुसलाई आणविक हतियार राख्ने अधिकारसमेत नभएको दाबी गरे ।
