विश्वकपमा स्थान बनाउन नेलाललाई जित्नैपर्ने दबाब, आज यूएईसँग भिड्दै

काठमाडौं । आईसीसी टी–२० विश्वकप एसिया क्षेत्र छनोट फाइनलको सेमिफाइनलमा आज नेपालले यूएईसँग भिड्दैछ । मुलपानी मैदानमा बिहान ११ बजे खेल सुरु हुनेछ । नेपाल समूह ‘ए’ को उपविजेता र यूएई समूह ‘बि’ को विजेता बन्दै सेमिफाइनल खेल्न लागेका हुन् ।

यो खेलको विजेताले छनोटको फाइनलमा स्थान बनाउनका लागि आगामी वर्ष वेष्ट इण्डिज र अमेरिकामा हुने विश्वकपमा स्थान पक्का गर्नेछन् । नेपाल आजको खेलमा यूएईलाई हराउँदै घरेलु मैदानमा भएको त्रिकोणात्मक सिरिजको फाइनलमा भोगेको हारको बदला लिन चाहन्छ ।

बिहीबार कीर्तिपुरस्थित त्रिवि क्रिकेट मैदानमा नेपाल ओमानसँग ५ रनले पराजित हुँदै समूह उपविजेता बनेको थियो । आजै हुने अर्को सेमिफाइनलमा ओमान र बहराइन भिड्नेछन् ।