- २७ श्रावण २०८३, बुधबार / Aug 12, 2026
काठमाडौं । फेरि विश्वमा मङ्कीपक्स चिन्ताको विषय बनेको छ । मङ्कीपक्स थप तीन देशमा फैलिउपछि झन चिन्ताको विषय बनेको हो । संयुक्त अरब इमिरेट्स (युएई) मङ्कीपक्सको केस रेकर्ड गर्ने पहिलो खाडी मुलुक बनेको छ । त्यसै गरि चेक गणतन्त्र र स्लोभेनियामा पनि पहिलो रेकर्ड दर्ज भएको छ । मङ्कीपक्स अफ्रिका बाहिर १८ अन्य देशहरूमा फैलिसकेको उल्लेख गरिएको छ ।
युरोप, अष्ट्रेलिया र अमेरिकामा भाइरसको प्रकोप भेटिएको वेला यो संख्यामा बृद्धि हुने विज्ञहरुले जनाएका छन् । मङ्कीपक्स भाइरसका लक्षणहरूमा अक्सर ज्वरो र शरीरमा दागहरू समावेश हुने भए पनि संक्रमण सामान्यतया हल्का हुने गरेको छ । हालसालै पश्चिम अफ्रिका भ्रमण गरेका एक यात्रीमा यसको सङ्क्रमण देखिएको र अहिले उनको उपचार भइरहेको छ।
मङ्कीपक्स शरीरमा प्रवेश गरेपछि फोका उठ्ने, बिमिरा आउने, ज्वरो आउने र ग्रन्थीहरु सुन्निनेजस्ता समस्या देखापर्ने लक्षण देखिने विज्ञहरुले बताएका छन् । सङ्क्रमण प्रायजसो बालबालिकाहरुमा देखापर्ने भएकोले बालबालिकाको स्वास्थ्यमा ख्याल गर्न स्वास्थ्य मन्त्रालयले आग्रह गरेको छ । अध्ययनअनुसार मङ्कीपक्स भएर मृत्यु हुनेको दर १० प्रतिशत रहेको छ ।
मङ्कीपक्सका कारण शरीरमा देखिएका लक्षण करिब तीन महिनापछि आफैँ हराएर जानसक्ने भएपनि मङ्कीपक्स भएको तीनदेखि ४ हप्तासम्म लक्षण रहने र मानिसबाट मानिसमा सर्नेसक्ने सम्भावना रहेको छ । मङ्कीपक्सविरुद्धको खोप उत्पादन भएर प्रयोगमा समेत आइसकेको छ ।
