- ७ कार्तिक २०८३, शनिबार / Oct 24, 2026
सिरहा । पूर्वपश्चिम राजमार्गको सिराहा खण्ड छेउमा एक नवजात शिशु वेवारिसे अवस्थामा फेला परेको छ ।
धनगढीमाई नगरपालिका–१० जिरोमाईल चोकदेखि करिब ३ सय मिटर दक्षिण सडक छेउमा बिहीबार राति उक्त नवजात शिशु रोइरहेको अवस्थामा फेला परेको हो ।
बटुवाले देखेपछि प्रहरीलाई खबर गरी तत्काल नैनपुर अस्पताल पुर्याइएको स्थानीयले बताए । शिशुको यसै हप्ता जन्म भएको हुन सक्ने आँकलन गरिएको छ ।
उनको नालमा लागेको क्लिपको आधारमा बच्चा अस्पतालमा जन्मेको हुनसक्ने आँकलन गरिएको छ । शिशु कपडामा गुटमुट्याएर राखेको अवस्थामा फेला परेको प्रहरीले बताएको छ ।
शिशुलाई जिल्ला अस्पताल सिरहामा राखिएको जिल्ला प्रहरी कार्यालय सिरहाका सूचना अधिकारी सुवास बुढाथोकीले बताए ।
