- ३१ आश्विन २०८३, शनिबार / Oct 17, 2026
काठमाडौं । कृष्ण जन्माष्टमीको अवसरमा सरकारले देशभर सार्वजनिक बिदा दिएको छ । द्वापरयुगमा भगवान श्रीकृष्णको जन्म आजका दिन भएको थियो ।
त्यही अवसर पारेर आज श्रीकृष्णको जन्म जयन्ती विशेष कार्यक्रम गरी मनाईदैछ । आजको कृष्ण चरित्र, सुन्ने, हेर्ने र श्रीकृष्ण लीलाहरूको अध्ययन गर्दा सकारात्मक सोच प्राप्त हुन्छ ।
ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगको अन्त्यतिर भाद्रकृष्ण अष्टमीको मध्यरातमा भएको सम्झनामा आजको दिनमा श्रीकृष्ण जन्माष्टमी पर्व मनाउने गरिएको हो ।
दुर्जनको विनाश गरी सज्जनको रक्षाका लागि भगवान् विष्णुको आठौँ गर्भका रूपमा श्रीकृष्णको जन्म भएको शास्त्रमा वर्णन गरिएको छ । कंसको अत्याचारबाट मानव जातिलाई मुक्ति दिन वासुदेव र देवकीको आठौँ गर्भबाट भगवान् विष्णुको आठौँ अवतारका रुपमा आजैको दिन भगवान् श्रीकृष्णको जन्म भएको धार्मिक विश्वास छ ।
