- ११ कार्तिक २०८३, बुधबार / Oct 28, 2026
काठमाडौं । राजस्व रकम नबुझाउने पाँचतारे होटल, रिसोर्ट र निर्माणसँग सम्बन्धित १ सय २३ कम्पनी तथा व्यक्तिलाई रकम बुझाउन सरकारले ३५ दिने अल्टिमेटम दिएको छ ।
लामो समयदेखि अटेरी गरी बक्यौता रकम तिर्न बाँकी रहेका कम्पनी÷फार्म तथा व्यक्तिको नामावलीसहित तीनपुस्ते विवरण सार्वजनिक गर्दै ३५ दिने अल्टिमेटम दिएको हो । सरकारले तोकेको अवधिभित्र रकम नबुझाए कम्पनीको सम्पूर्ण जायजेथा जफत गर्ने चेतावनी दिएको छ ।
राजस्व रकम नबुझाए सम्पत्ति जफत गरी लिलामीको प्रक्रियामा लैजाने बताइएको छ । अल्टिमेटम दिइएकाहरूमा नाम चलेका ठूला पाँचतारे होटल, रिसोर्ट, क्यासिनो, मिनी क्यासिनो, पूर्व सांसद्, ठेकेदार कम्पनीलगायत साना फार्मसमेत रहेका छन् ।
धेरै बक्यौता रकम सोल्टी होटल, अन्नपूर्ण होटल, हायत रिजेन्सी र एभरेस्ट होटलमा क्यासिनो सञ्चालन गरेको नेपाल रिक्रिएसन सेन्टरले अहिलेसम्म सरकारलाई ७३ करोड ६० लाख १ हजार ४ सय ६५ रुपैयाँ बक्यौता तथा त्यसको ब्याजसमेत तिर्न बाँकी रहेको महालेखाले जनाएको छ ।
