- ११ भाद्र २०८३, बिहीबार / Aug 27, 2026
काठमाडौं । सरुवा–बढुवा माग्दै नेताहरुको घर घर पुगेको थाहा पाए कारबाही गर्ने उपप्रधान तथा गृहमन्त्री रवि लामिछानेले बताएका छन् ।
गृहमन्त्री बनेपछि पहिलो पटक निरीक्षणका लागि प्रहरी प्रधान कार्यालय नक्साल पुगेर लामिछानेले प्रहरी कर्मचारीको सरुवा र बढुवा मापदण्ड बाहिरबाट नहुने बताए ।
लामिछानेले भने, ‘सरुवा र बढुवाको कुरा लिएर नेताका घर घर जाने कुरा अन्त्य गरिनेछ ।
हाम्रोभन्दा पनि राम्रो मान्छे प्राथमिकतामा पर्नेछन् ‘हिजोका दिनमा जे–जे भए भए, आगामी दिनमा कसैले पनि कानूनी विपरितका क्रियाकलाप नगरोस्, विकृति विसंगति अन्त्य गर्छु ।’
आफूले प्रहरीभित्रका विकृति राम्ररी बुझेको बताउँदै उनले गलत क्रियाकलाप भएको पाइए कसैको कुरा नसुन्ने र आफूले पनि कुनै कुरामा दबाब नदिने बताए ।
