- २६ भाद्र २०८३, शुक्रबार / Sep 11, 2026
काठमाडौं । राष्ट्रिय जनगणनाका लागि घरघरमा आउने गणकलाई सही विवरण उपलब्ध गराउन प्रधानमन्त्री शेरबहादुर देउवाले नागरिकमा अनुरोध गरेका छन्। आजबाट राष्ट्रिय जनगणना सुरू भएको छ । सोही अवसरमा भिडिओ सन्देश सार्वजनिक गर्दै प्रधानमन्त्री देउवाले यस्तो अनुरोध गरेका हुन् ।
देउवाले भने, ‘देश विकासका लागि उपयुक्त नीति निर्माण गर्न आवश्यक सूचनाको आधार स्तम्भका रुपमा रहेको राष्ट्रिय जनगणना २०७८ आजबाट सुरु हुँदैछ । जनगणनाले व्यक्तिको मात्र गणना नगरी देश विकास मार्गचित्र तय गर्दैछ । त्यसैले सही विवरण उपलब्ध गराएर राष्ट्रको नीति निर्माणका लागि अपरिहार्य सूचना संकलन गर्ने कार्यमा सहयोग गर्न अनुरोध गर्दछु ।’
गणकले सोधेका प्रश्नहरूको सही जवाफ दिन देउवाले आग्रह रेका छन् । सूचना गोप्य रहने भन्दै सम्पूर्ण व्यक्तिगत विवरण तथ्यांक ऐन २०१५ बमोजिम काम गरिने बताए । आ आफ्नो घरमा आउने गणकहरुलाई सही विवरण दिन प्रधानमन्त्री देउवाले सबैमा अनुरोध गरेका हुन । जनगणना तथ्यांक ७५३ स्थानीय तहको ६ हजार ७४२ वटै वडाको छुट्टाछुट्टै अभिलेख राखिने समेत जानकारी दिए ।
