- ३१ आश्विन २०८३, शनिबार / Oct 17, 2026
राष्ट्रिय विभूति शंखधर साख्वाले देखेको सपना वर्तमान सरकारले साकार पारेको अर्थमन्त्री डा.प्रकाश शरण महतले बताएका छन् ।
शंखधर साख्वा दिवसको अवसरमा मध्यपुरथिमीमा आयोजित कार्यक्रमा मन्त्री महतले नेपाल संवत ११४४ सुरु भएदेखि सरकारी कागजातमा नेपाल संवत प्रयोग गर्ने सरकारको निणर्य साख्वाले देखाएको बाटो भएको बताए ।
शंखधर साख्वाको योगदान उच्च रहेको भन्दै त्यसको मुल्याङकन पूर्व प्रधानमन्त्री कृष्णप्रसाद भटराईले गरेको जिकिर गरे । अर्थमन्त्री महतले दिवसको सन्दर्भ पारेर आज मध्यपुरथिमीमा आयोजित कार्यक्रमलाई सम्बोधन गर्दै सरकारी दस्तावेजमा नेपाल सम्वत लेख्ने कुरा एतिहासिक भएको उल्लेख गरे ।
नेपाल संवत् ११४४ लाई प्रधानमन्त्री पुष्पकमल दाहाल प्रचण्ड नेतृत्वको सरकारले कार्यान्वयमा ल्याएको जानकारी दिनु भयो । नीतिगत निणर्य र त्यसको कार्यान्वयनमा अब सबै नेपाली लाग्नु पर्नेमा महतले जोड दिए ।
कार्यक्रममा विभिन्न संघ सस्था, राजनैतिक दल, स्थानीय सरकारका प्रतिनिधि, प्रदेश सासदहरुको सहभागिता रहेको थियो । ७० वर्षपछि नेपाल भाषालाई सरकारले मान्यता दिएको उपलक्ष्यमा नेवासमुदाय हर्षित भएको धारणा वक्ताहरुको थियो ।
कार्यक्रममा सम्बोधन गर्नुपूर्व मन्त्री महतले शंखधर साख्वाको शालिकमा माल्यार्पण गरेका थिए ।
