- ३० भाद्र २०८३, मंगलवार / Sep 15, 2026
भोजपुर । शुक्रबारदेखि हराएकी ७ वर्षीय बालिका शनिबार गुफा भित्र मृत फेला परेकी छन् । आमचोक गाउँपालिका–६, थुन्कीका देवचन्द्र राईकी छोरी आकृतिको शव शनिबार गुफा भित्र फेला परेको हो ।
घरभन्दा साढे एक किलोमिटर टाढा टेङलुङछुकस्थित जंगलको गुफामा बालिका मृत फेला परेको प्रहरीले जनाएको छ । कम्मरमुनीको कपडा खोलिएको अवस्थामा गुफाको पानीमुनि शव फेला परेको र बलात्कारपछि हत्या गरेको हुन सक्ने प्रहरीले आशंका गरेको छ ।
बालिका हराएको सूचना पाएपछि प्रहरीले शुक्रबार राति ११ बजे सोही ठाउँका दिपचन्द्र राईलाई पक्राउ गरेको छ । उनकै बयानका आधारमा आज बिहान बालिकाको शव फेला परेको प्रहरीले जनाएको छ । घटना को थप अनुसन्धान गरिरहेको प्रहरीले जनाएको छ ।
