सीमा क्षेत्रमा कडाई

बर्दिया । स्थानीय तह निर्वाचन नजिकिदै गर्दा सुरक्षा व्यवस्था चुस्त दुरुस्त बनाउन सम्बद्ध सबै क्षेत्रमा कडाई गरिन थालिएको छ । देशका विभिन्न क्षेत्रमा निर्वाचन अघि नै सीमा क्षेत्रमा कडाई गरिने गरिएको हो । सीमा क्षेत्रको दशगजा क्षेत्रमा कडाई गरिने गरिनुका साथै दुई देशका सुरक्षाकर्मीले संयुक्तरूपमा गस्ती समेत गर्ने सहमती भएको छ । स्थानीय तहको निर्वाचन अघि बर्दिया र बाँकेको नेपाल–भारत सीमा नाका ७२ घण्टा बन्द गरिने द्विपक्षीय निर्णय भएको जनाइएको छ।

दुई देशका सीमा क्षेत्रमा मदिराको बेचविखन र सेवनमासमेत रोक लगाउने निर्णय भएको छ । बर्दिया जिल्लासँग भारतको सीमा जोडिएको क्षेत्र ८२ किलोमिटर छ भने बाँकेको ६५ किलोमिटर रहेको छ । नेपाल–भारत खुला सीमाका कारण निर्वाचनको बेला सुरक्षा चुनौती बढ्न सक्ने भएकाले निर्वाचन अघि ७२ घण्टासम्म सीमा नाका बन्द गर्ने सहमती भएको छ ।