सुदूरपश्चिम प्रदेश सभाको पहिलो बैठक बस्दै, सभामुखको निर्वाचन माघ २ गते हुने

सुदूरपश्चिम । तत्काल सुदूरपश्चिम प्रदेशसरकार गठनमा अन्योल देखिएको छ ।टीकापुर घटनाका बन्दी रिहाइ नभएसम्म आफूहरुले कसैलाई सरकार बनाउन सहयोग नगर्ने र सरकारमा समेत सहभागी नहुने नागरिक उन्मुक्ति पार्टी संसदीय दलका नेता रामेश्वर चौधरीले बताएका छन् ।

यस प्रदेशसभामा कुनै पनि दलको एकल बहुमत छैन । सबैभन्दा ठूलो दल नेपाली कांग्रेसका १९ सदस्य रहेका छन् । माओवादी केन्द्रको ११, एमालेको दश, एकीकृत समाजवादीको चार, राप्रपा र स्वतन्त्र एक÷ एक जना रहेका छन् । सरकार गठनका लागि २७ सदस्यको बहुमत आवश्यक पर्दछ । सजिलैसँग सबै दललाई बहुमत जुटाउन कठिन छ ।

नागरिक उन्मुक्तिले केन्द्र सरकार गठनमा समर्थन गरेपनि प्रदेशमा चुप लागेको छ ।कांग्रेस र नागरिक उन्मुक्तिबाहेक प्रदेशसभामा माओवादी, एमाले, राप्रपा मिल्दा २२ सदस्य मात्र पुग्छन् । चार सदस्य रहेको एकीकृत समाजवादीले सरकारमा जाने निर्णय अझै गरिसकेको छैन ।

समाजवादीले पनि सरकारमा जाने निर्णय गरेमा २६ सदस्य पुग्छन् । सरकार गठनमा अन्योल देखिँदा नागरिक उन्मुक्ति पार्टीका साथै डडेलधुराबाट स्वतन्त्र उम्मेदवारी दिएर विजयी भएका डा तारा जोशीलाई आआफ्नो पक्षमा पार्ने रणनीतिमा दलहरु देखिएका छन् ।