सुन सहित ३ जना पक्राउ

काठमाडौं । रसुवागढी नाकाबाट सुनसहित ३ जना पक्राउ परेका छन् । रसुवागढी नाकाबाट औंठीसहित तीन जना पक्राउ परेका हुन । १३ लाखभन्दा बढी मूल्य बराबरका औंठी सहित तीन जना प्रक्राउ परेको सशस्त्र प्रहरीले जनाएको छ ।

चीनबाट नेपाल आइरहेका उनीहरुलाई इलाका प्रहरी कार्यालय टिमुरेबाट खटिएको सशस्त्र प्रहरीको टोली र रसुवा भन्सार कार्यालयको संयुक्त टोलीले पक्राउ गरेको थियो । उनीहरुको साथबाट एक र एक थान बेरुवा औंठी बरामद भएको प्रहरीले जनाएको छ । ती औंठीको तौल १२ तोला रहेको र मूल्य १३ लाख ८८ हजार ४०० रुपैयाँ बराबरको रहेको प्रहरीले जनाएको छ ।

पक्राउ पर्नेहरुमा रसुवाको आमाछोदिङमो गाउँपालिका वडा नम्बर ५ गोङ्गाङ बस्ने २९ वर्षीय सुरेश तामाङ, सोही गाउँपालिकाको वडा नम्बर ५ तातोपानी बस्ने ३७ वर्षीय निमा टासी तामाङ र गोसाईकुण्ड गाउँपालिका ३ ब्रिदीम बस्ने २३ वर्षीय ङ्वाङ लोप्साङ तामाङ रहेका छन् ।