- ३ भाद्र २०८३, बुधबार / Aug 19, 2026
काठमाडौं । हिमाली भू–भागमा हिमपात भएपछि काठमाडौंमा चिसो बढेको जल तथा मौसम पूर्वानुमान महाशाखाले जनाएको छ ।
पश्चिमी वायुसँगै आउने पश्चिमी न्यून चापीय प्रणालीका कारण आज दिउँसोदेखी सुदूरपश्चिम, कर्णाली र गण्डकी प्रदेशका उच्च पहाडी तथा हिमाली भागका विभिन्न स्थानमा हिमपात अझै हुने सम्भावना रहेको महाशाखाले जनाएको छ ।
सुदूरपश्चिमका केही स्थानमा वर्षाको सम्भावना रहेको महाशाखाले जनाएको छ । बाग्मती र गण्डकी प्रदेशको पहाडी भु–भागहरुमा आंशिकदेखि सामान्य बदली बदली रहने बताइएको छ ।
तापक्रम अझैँ घट्ने क्रममा रहेकाले चिसोबाट बच्न सतर्कता अपनाउन महाशाखाले आग्रह गरेको छ ।
चिसोका कारण पर्वतारोहण, हवाईसेवा, यातायातलगायत दैनिक जनजीवनमा असर पर्नसक्ने भएकाले महाशाखाले आवश्यक सुरक्षा अपनाउन आग्रह गरेको हो ।
