हिरासत तोडेर ६ जना अभियुक्त फराहर

धनुषा । हिरासतमा रहेका ६ जना अभियुक्त धनुषाबाट फरार भएका छन् । पुरानो भवनमा रहेको हिरासत तोडेर ६ जना फरार भएको जिल्ला प्रहरी कार्यालय धनुषाले जनाएको छ ।

हिरासतमा जम्मा ७ जना अभियुक्त रहेका थिए । तीमध्ये गाडी दुर्घटनाको मुद्दामा जेल परेका एक जनाबाहेक सबै फरार रहेको जिल्ला प्रहरी कार्यालय धनुषाले जनाएको छ ।

इलाका प्रहरी कार्यालयको भवन पुरानो भएको रहिरासतपट्टिको भाग निकै कमजोर रहेकाले तोडेर अभियुक्तहरु फरार भएका छन् । फरार भएका अभियुक्तहरुको खोजीकार्य तीव्र रुपमा भइरहेको जिल्ला प्रहरी कार्यालय धनुषाले जनाएको छ ।