१० दिन निषेधाज्ञा थप्ने तयारी

काठमाडौं । उपत्यकामा जारी निषेधाज्ञा थप १० दिन लम्ब्याउने तयारी भएको छ ।

काठमाडौं, ललितपुर र भक्तपुरका प्रमुख जिल्ला अधिकारीहरूबीच भएको निषेधाज्ञा थप्नेबारेको छलफलले अहिलेको निषेधाज्ञालाई केही खुकुलो बनाएर १० दिन थप्ने निष्कर्ष निकालेको हो। निषेधाज्ञा थप्ने आदेश भोलि (बुधबार) मात्रै जारी हुने काठमाडौंका प्रमुख जिल्ला अधिकारी कालिप्रसाद पराजुलीले बताए।

भोलि १० बजेतिर आदेश जारी हुने भन्दै प्रजिअ पराजुलीले तीन वटै सिडिओबीच छलफल भएको बताए । २१ गतेदेखि खाद्यान्न पसल बिहान खोल्न दिने, विकास निर्माणको काम पनि सुचारू गर्ने तयारी भएको उनको भनाइछ।