- २७ भाद्र २०८३, शनिबार / Sep 12, 2026
काठमाडौं । भारतको राजधानी दिल्लीको एक विद्यालयमा ११ वर्षीया बालिकामाथि सामूहिक बलात्कार भएको छ । शौचालयमा गएका बेला उनी बलात्कारको शिकार भएकी हुन ।
दिल्ली महिला आयोगकी अध्यक्ष स्वाती मालीवालले दिल्ली प्रहरी र विद्यालयलाई नोटिस जारी गर्दै कडा कारबाहीको माग गरेकी छन् । ट्वीट गर्दै स्वाती मालिवालले यो घटना दिल्लीको एक केन्द्रीय विद्यालयमा भएको बताएकी छन् ।
पीडित बालिकाले विद्यालयका शिक्षकलाई घटनाबारे जानकारी गराएपछि उनलाई चुप लाग्न भनिएको थियो । बालिकालाई विद्यालयका दुई सिनियर विद्यार्थीले नै बलात्कार गरेको आरोप लागेको छ ।
दिल्ली प्रहरीले यस घटनाको सम्बन्धमा एफआईआर दर्ता गरि अनुसन्धान जारी राखेको जनाएको छ।
