५० वर्षयताकै भिषण हिमपात, हवाइ उडान र सडक बन्द

स्पेन। स्पेनमा भीषण हिमपात भएको छ। यो हिमपात ५० वर्ष यताको सबैभन्दा ठूलो हिमपात भएको हो । देश नै रेड अलर्टमा राखेको सरकारले जनाएको छ। सबैभन्दा प्रभावित क्षेत्रमध्ये एक राजधानी म्याड्रिडमा ८ इन्चसम्म हिउँ जमेको छ।

हवाई उडान र सडकहरू बन्द गरिएका छन् । शुक्रबार साँझ राजधानी नजीकका राजमार्गमा थुप्रै सवारी साधनहरु फसेका थिए। हिमपातका कारण अहिलेसम्म तीनजनाको मृत्यु भएको छ भने सयौं सवारी चालकहरू अलपत्र परेका छन्। फिलोमेना नामको तूफान जिब्राल्टरको सामुद्रिक क्षेत्रबाट उत्तरतिर लागेकाले लगातार हिमपात भएको स्पेनको मौसम विज्ञान बिभागले जनाएको छ।

राजधानी म्याड्रिड अलवा अल्बासेट, कुएन्का, टोलेडो, गुआडालाजारा, भ्यालेन्सिया, कास्टेलन, तारागोना,टेरुएल र सारगोजामा ८ इन्चसम्म हिउँ जम्ने अनुमान छ। अहिले राजमार्ग बन्द छन् भने जनजीवन कष्टकर भएको छ। को छ।