- २ कार्तिक २०८३, सोमबार / Oct 19, 2026
पोखरा । पोखरा महानगरपालिका वडा अध्यक्षको घरमा बम विष्फोट भएको छ । वडा नम्बर ३३ का वडाध्यक्ष शिवप्रसाद आचार्यको पोखरा–१७ हिमालीटोलस्थित निवासमा बम विष्फोट भएको हो । अज्ञात समूहले पार्किङमा राखेको गाडीमा आज बम विष्फोट गराएको प्रहरीले बताएको छ।
वडाध्यक्ष आचार्य चढ्ने ग २ च ४२६ नं को हाइलक्स गाडीमा ध्वस्त भएको घटनास्थल पुगेका गण्डकी प्रहरी प्रदेश कार्यालयका प्रमुख विनोद शर्मा घिमिरेले जानकारी दिए । घटना कस्ले गराएको भन्नेबारे अनुसन्धान भइरहेको घिमिरेले बताए।
