- ३१ आश्विन २०८३, शनिबार / Oct 17, 2026
काठमाडौ। अत्यधिक चिसोका कारण अफगानिस्तानमा २० जनाको मृत्यु भएको छ । तापक्रम माइनस २१ डिग्रि सेल्सियस भएका कारण २० जनाको मृत्यु भएको हो । अफगानिस्तानको बद्घिस र अन्य प्रान्तमा चिसोले ४ हजार गाईवस्तु मरेको खबर छ । हेरात प्रान्तको क्षेत्रीय अस्पतालहरु चिसोका कारण बिरामी भएकाहरुले खचाखच भरिएका छन् ।
अफ्गानिस्तानले इतिहासमा सबैभन्दा ठूलो मानवीय संकटको सामना गरिरहेको छ । त्यहाँको जनजीवन नराम्ररी प्रभावित भएको समाचार संस्थाहरुले जनाएका छन् ।
गरिबीको चरम अभावमा रहेको अफ्गानिस्तानमा खाद्यान्न र इन्धन अभावले समस्याग्रस्त र चिसो बढ्न थालेपछि यहाँको जनजीवन थप कष्टकर बन्दै गएको छ ।
तालिवानले गत वर्ष काबुलमा सत्ता कब्जा गरेपछि ४ करोड अमेरिकी डलरको १८ प्याकेज र ३२ मिलियन अमेरिकी डलरका ३० भन्दा बढी प्याकेजहरू घोषणा गरेको थियो । सहयोगका बाबजुद अफगानिस्तानको गरिबी, कुपोषण र बेरोजगारी दर अझ खस्कँदो छ । यसका साथै प्राकृतिक प्रकोपहरूले अफगानहरूको अवस्था अझ खराब बनाएको छ ।
