- १६ श्रावण २०८३, शनिबार / Aug 1, 2026
एजेन्सी । आफूविरुद्धको फौजदारी मुद्दामा आत्मसमर्पणका लागि अमेरिकी पूर्वराष्ट्रपति डोनाल्ड ट्रम्प न्यूयोर्क पुगेका छन्। आफ्नो निजी जेटमार्फत पूर्वराष्ट्रपति ट्रम्प म्यानहटन जिल्ला न्यायाधिवक्ताको कार्यालयमा आत्मसमर्पण गर्न फ्लोरिडाबाट न्यूयोर्क पुगेका हुन्।
समाचार संस्था रोयटरका अनुसार पूर्वराष्ट्रपति ट्रम्पले मंगलबार जिल्ला न्यायाधिवक्ताको कार्यालयमा आत्मसमर्पण गर्ने र लगत्तै पहिलो सुनुवाइका लागि म्यानहटन फौजदारी अदालतमा न्यायाधीश समक्ष प्रस्तुत गरिनेछ । जिल्ला अदालतमा सम्भावित विरोध प्रदर्शनलाई ध्यानमा राख्दै न्यूयोर्कमा सुरक्षा व्यवस्था कडा पारिएको छ ।
अदालतमा हाजिर हुँदा ट्रम्पलाई हथकडी नलगाइने र त्यहाँ औँठाछाप तथा फोटो लिइनेछ । ट्रम्पविरुद्धको अभियोगपत्र सार्वजनिक नगरिए पनि उनीमाथि व्यवसायिक धोखाधडीसँग सम्बन्धित ३० भन्दा बढी अभियोग लगाइएको सीएनएनले जनाएको छ।
