- १८ असार २०८३, बिहीबार / Jul 2, 2026
एजेन्सी । गाजाको अल कुड्स प्रमुख अस्पताल खाली गर्न इजरायलले उर्दी जारी गरेको छ । उक्त अस्पताल खाली गर्न इजरायलले उर्दी जारी गर्दै गाजास्थित प्यालेष्टाइनी सयौं घाइतेहरुको उपचार नगर्न उर्दी जारी गरेको हो ।
अस्पतालमा अधिकांश बालबालिका रहेकाले उनीहरुलाई अन्यत्र सार्न असम्भव भएको र अस्पताल वरिपरि १४ हजार नागरिकले खुला चौरमा आश्रय लिइरहेको भन्दै रेड क्रिसेन्सले इजरायलको उर्दीप्रति चिन्ता व्यक्त गरेको छ ।
हमास र इजरायलबीचको आक्रमणमा घाइते भएकाहरुले भरिएको अस्पताल तत्काल खाली गर्न असम्भव भएको जनाइएको छ । हमास र इजरायलबीचको युद्धमा ८ हजार बढी प्यालेष्टाइनीको मृत्यु भइसकेको छ भने इजरायलतर्फ १४ सय बढीको ज्यान गइसकेको छ । हाल उक्त अस्पताल वरिपरि इजरायलले हवाइ आक्रमण जारी राखेको छ ।इजरायलले गाजापट्टीमा दोश्रो चरणको आक्रमण अन्तर्गत हवाइ हमला तीब्र पारेको छ ।
