आज नेपाल र पपुवा न्युगिनी भिड्दै

काठमाडौं । त्रिकोणात्मक टी–२० सिरिजको उपाधिका लागि आज नेपाल र पपुवा न्युगिनीबीच कडा प्रतिस्पर्धा हुँदैछ ।

त्रिवि क्रिकेट मैदान कीर्तिपुरमा हुने फाइनल खेलमा दुबै टोली उपाधि चुम्ने योजनासहित मैदान उत्रिदै छन् । दिउँसो साढे १२ बजे सुरु हुने खेलमा घरेलु टोली फाइनल खेल्न लागेको हो ।

पहिलो खेलमा नेपालले पिएनजीलाई १५ रनले हराएको थियो भने दोस्रो खेलमा ३७ रनले जितेको थियो । ४ खेलमा १ जित जित र ३ हार व्यहोरेको मलेसियालाई नेट रनरेटमा पछि पार्दै पीएनजी फाइनल पुगेको हो ।

नेपाल आज पीएनजीलाई हराएर एकदिवसीय सिरिजको बदला लिने दाउमा छ ।