- ८ भाद्र २०८३, सोमबार / Aug 24, 2026
आठबीस । काम पूर्ण गरेर भूक्तानी दिने परिपाटीलाई विकास गरेर लैजाने आठबीस नगरपालिकाका प्रमुख प्रशासकीय अधिकृत दिल बहादुर शाहीले बताएका छन् । क्वानटिटीलाई होइन, क्वालिटीलाई ध्यान दिएर नगरपालिकाको विकासलाई अघि बढाएको उनको भनाइ छ ।
अछाम, कालिकोट र दैलेखकै कृषि, जडिबुटी, फलफूलका हिसावमा यो पालिका अथाह सम्भावना बोकेको पालिका भएकोले क्वालिटी चेक गर्ने मेसिन ल्याएर यहाँको विकासलाई अगाडि बढाउने सोचमा नगरपालिका रहेको बताए । पालिकामा छिटै मेसिन ल्याएर त्यस अनुरुप नै विकास निर्माणका कार्य अघि बढाउने बताए ।
कतिपयले नगरपालिकाकै बदनाम गर्ने उदेश्यले मुद्दा मामिला गरिदिने प्रति दुःख व्यक्त गर्दै शाहीले सबै मिलेर हाम्रो र राम्रो नगरपालिकाका रुपमा विकास गरेर लैजाने बनाए । आठबीस नगरपालिका रारा जाने पर्यटकका लागि गेटवे भएकाले यहाँको पर्यटनलाई पनि विकास गरेर लैजाने बताए ।
कैलाश खबरसंगको कुराकानीमा प्रमुख प्रशासकीय अधिकृत दिल बहादुर शाहीले दुर्गम भएर पनि सुगम कसरी बनाउन सकिन्छ भनेर नगरपालिका लागि परेको बताए । विकासका सम्भावनाले भरिएको यो पालिकालाई साझेदारी प्रणालीमा लैजाने बताए । कर्णाली नदिको उपयोग गरेर पनि पर्यटकीय हबका रुपमा अगाडि बढाउने बताए ।
मेगासीटिलाई स्थानीय, राजनैतिक दल र सरोकारवालाको धान दिएर यसको विकासमा टेवा पु¥याउने र सरोकारवालाई घचघच्याउने शाहीले बताए । टुक्रे योजना भन्दा पनि एकमुष्ट र एकिकृत योजनालाई ध्यान दिएर विकासलाई अघि बढाउने निर्णय कार्यपालिकाबाट भएकोले यो वर्षदेखि भोलिको महत्वलाई बुझेर दिर्घकालिन योजनामा नगर अगाडि बढ्नेमा आशावादी भएको बताए ।
