- २९ श्रावण २०८३, शुक्रबार / Aug 14, 2026
काठमाडौं । सरकारले इजरायलमा रहेका नेपालीहरुको उद्धारका लागि आज नेपाल वायु सेवा निगमको जहाज त्यस तर्फ पठाउन लागेको छ ।
आज राति ११ बजे दुबई ट्रान्जिट भएर निगमको जहाज इजरायल पठाउन लागिएको परराष्ट्रमन्त्रालयले जनाएको छ ।
हमासको आक्रमणमा १० जनाको मृत्यु भएपछि त्यहाँ रहेका नेपाली त्रसित भएका छन् । युद्धग्रस्त इजरायलमा रहेका नेपालीले उद्धारका लागि अनुरोध गर्दै आएका छन् ।
इजरायलस्थित नेपाली राजदूतावासले नेपाल फर्किन चाहनेको सूची अनलाइनमार्फत् दर्ता गरेको जनाएको छ । जसमा २ सय बढी नेपालीले आवेदन दिएका छन् ।
