इजरायलसंग सम्झौता, यात्रा गर्दा तीन महिनासम्म प्रवेशाज्ञा लिन नपर्ने

काठमाडौं । नेपाल सरकार र इजरायल सरकारबीच कूटनीतिक राहदानी सौम्झौता भएको छ । बाहकलाई एक–अर्को देशको यात्रा गर्दा तीन महिना (९० दिन) सम्म प्रवेशाज्ञा लिन नपर्ने गरी सम्झौता भएको हो ।

जेरुसेलमस्थित परराष्ट्र मन्त्रालयमा आयोजित एक कार्यक्रममा नेपालका तर्फबाट इजरायलका लागि नेपाली राजदूत डा.अन्जान शाक्य र इजरायल सरकारका तर्फबाट परराष्ट्रमन्त्रीले सम्झौतामा हस्ताक्षर गरेका हुन ।

राजदूत शाक्यले नेपालमा ‘लर्न एण्ड अर्न’ प्रोजेक्ट मार्फत इजरायल आएका विद्यार्थीमध्ये केही उत्कृष्ट छनौट गरी उनीहरुको लागि तालिम अवधी ११ महिनाबाट बढाउन सके उनीहरुलाई विज्ञ कन्सलट्यान्टको रुपमा विकास गर्न सकिने सुझाव दिएको दूतावासले जानकारी दिएको छ । सम्झौता अनुसार केयर गिभिङ क्षेत्रमा नेपालीलाई ल्याउने तथा रोजगारीका अन्य क्षेत्रमा पनि ढोका खोल्ने दूतावासले जनाएको छ ।