निजामती दिवस यसरी मनाउन निर्देशन

काठमाडौ । कोरोना भाइरसको महामारीका कारण बन्दाबन्दीको नियम पालना र स्वास्थ्य मापदण्ड अपनाएर सम्भव हुने कार्यक्रम मात्र संचालन गर्न सरकारले निर्देशन दिएको छ ।

यस वर्षको निजामती सेवा दिवसमा संघ, प्रदेश र स्थानीय गरी तीनै तहलाई यस्तो निर्देशन दिएको हो । निजामती सेवा दिवस मूल समारोह समितिका संयोजक मुख्य सचिव लोकदर्शन रेग्मीको अध्यक्षतामा बसेको बैठकले सङ्क्रमणको जोखिम बढ्दै गएकोले निजामती सेवा पुरस्कार प्रदान गरिने कर्मचारीको नामावली १५ दिनको सूचना सूचना तथा सञ्चार मन्त्रालयको वेवसाइटमा प्रकाशन गर्ने निर्णय गरेको छ ।

हरेक वर्ष भदौ २२ गते यो दिवस मनाउने गरिन्छ । बैठकले संघीय मामिला तथा सामान्य प्रशासन मन्त्रालयका सचिव सूर्यप्रसाद गौतमको संयोजकत्वमा ११ सदस्यीय निजामती सेवा दिवस कार्यक्रम संयोजन उपसमिति पनि गठन गरेको छ ।