- १३ जेष्ठ २०८३, बुधबार / May 27, 2026
काठमाडौं । इन्टर्नसिपमा आएकी एक युवतीलाई यौन दुर्व्यवहार गरेको आरोपमा नेपाल स्वास्थ्य अनुसन्धान परिषद्का तालिम अधिकृत विजयकुमार झालाई निलम्बन गरी कारबाही प्रक्रिया अगाडि बढाएको छ ।
युवतीले आफूमाथि दुर्व्यवहार भएको निवेदनका आधारमा सोधपुछ गर्दा घटना भएको पाइएपछि झालाई निलम्बन गरी कारबाही प्रक्रिया अगाडि बढाइएको हो । यस बिषयमा छानबिन समिति गठन गरिएको परिषद्का कार्यकारी सदस्य सचिव डा. प्रदीप ज्ञवालीले बताए ।
उनले भने, ‘झालाई निलम्बन गरेर कारबाही प्रक्रिया अगाडि बढाइएको छ, यस विषयमा थप अनुसन्धान प्रक्रिया अगाडि बढाएको छ ।’ २०७६ सालमा पनि झाले महिला सहकर्मीमाथि यौन दुर्व्यवहार गरेका थिए । त्यसबेला दुई महिना निलम्बन निलम्बन गरिएको थियो ।
