एक हप्तामै सरकार ढाल्ने ओलीको चेतावनी

काठमाडौं । आफूहरुले चाहेमा एक हप्ताभित्रै सरकार ढाल्न सकिने नेकपा एमालेका अध्यक्ष केपी शर्मा ओलीले बताएका छन् । बुधबार राजधानीमा आयोजित पार्टीको बागमती प्रदेश अधिवेशनलाई सम्बोधन गर्दै ओलीले यस्तो बताएका हुन्।

आफूहरुको लक्ष्य तत्काल सरकार ढाल्ने नरहेको भन्दै यो सरकार ढाल्न आफुलाई एक हप्ता पनि नलाग्ने जिकिर गरे । साँठगाँठ गर्ने हो भने त अहिले नै ढाल्न सक्ने तर्क गरे । लोभीपापीहरु धेरै भएकाले सकेण्डकै भरमा सरकार ढल्ने संकेत गरे ।

देश बनाउने कुरा र सरकार बनाउने कुरा फरक भएकाले देश बनाउन आफूहरुले निर्वाचनमा जाने र विजयी भएरै छाड्ने बताए ।