एमाले महाधिवेशनः पदाधिकारी र केन्द्रीय कमिटीको सूची तयार गर्दै केपी

सौराहा । नेकपा एमालेको १०औं महाधिवेशन आज नयाँ नेतृत्व चयन गर्दै समापन हुने भएको छ । सके सर्वसम्मत नभए चुनावबाट भएपनि नयाँ केन्द्रीय कमिटी बनाउने गरी अध्यक्ष केपी ओली तयारीमा जुटेको नेताहरुले बताएका छन् ।

अहिले ओलीसहित महासचिव ईश्वर पोखरेल उपमहासचिव विष्णु पौडेल, शंकर पोखरेल र विष्णु रिमालसहितको छुट्टै बैठक बसिरहेको छ । बैठकले पदाधिकारी तथा केन्द्रीय कमिटी सूची बनाउन लागेको जनाइएको छ ।

शीर्ष नेताहरुको बैठकअघि अध्यक्ष केपी ओलीले पदाधिकारी र केन्द्रीय सदस्यका आकांक्षीसँग छुट्टाछुट्टै भेटेको नेताहरुले बताए । यता उपाध्यक्ष भीम रावल भने अध्यक्षमा चुनाव लडेरै छाड्ने तयारीमा लागेका छन् । महाधिवेशन स्थलमा रावल पक्षका नेताहरु भोट माग्न पर्चा समेत वितरण गरिरहेको बुझिएको छ ।