- १ कार्तिक २०८३, आईतवार / Oct 18, 2026
काठमाडौं । नेकपा एमालेको स्थायी कमिटी बैठक बस्दै छ । विहीबार तुलसीलाल स्मृति प्रतिष्ठानमा अपरान्ह ४ बजे बैठक बस्न लागेको एमाले केन्द्रीय कार्यालय सचिव शेरबहादुर तामाङले बताए ।
बैठकमा वडा र पालिका अधिवेशन रिपोर्टिङ र समीक्षा हुने तामाङले जानकारी दिए । कात्तिक ६ गते वडाहरूका अधिवेशन सम्पन्न गरेको एमालेले ९ गते पालिकाहरुका अधिवेशन सुरु गरेको छ ।
वडा र पालिका अधिवेशनमा एमालेले सर्वसम्मतिबाट नेतृत्व चयन गरिरहेको बताएको छ । १० औं महाधिवेशनका प्रतिनिधि तय गर्न मापदण्ड बनाएर कार्यतालिका बनाइने उनको भनाइ छ ।
एमालेले आगामी मंसिर ११ र १२ गते चितवनमा पार्टीको १० औं महाधिवेशन गर्ने तयारी थालेको छ ।
