- / Oct 4, 2024
पर्सा । वीरगञ्जस्थित सुख्खा बन्दरगाह भन्सार परिसरभित्र करोडौ रुपैयाँ पर्ने कन्टेनर स्क्यानर मेसिन बेवारिसे अवस्थामा थन्किएको छ । चीन सरकारको अनुदानमा प्राप्त उक्त कन्टेनर स्क्यानर मेसिन बेवारिसे अवस्थामा थन्किएको हो ।
भारत तथा तेस्रो मुलुकबाट रेलमार्फत् नेपालमा भित्रिने ठुला कन्टेनरभित्र रहेका मालवस्तुको स्क्यान गरी परीक्षण गर्ने उद्देश्यले नेपाल सरकारले मेसिन प्राप्त गरेको हो । तर, सो स्क्यानर मेसिन केही वर्षदेखि सुख्खा बन्दरगाह भन्सार कार्यालयमा बेवारिसे अवस्थामा रहेको छ ।
सुख्खा बन्दरगाह कार्यालयले चीनबाटै प्राविधिक झिकाई ६ जना कर्मचारीलाई मेसिन सञ्चालन गर्न तालिमसमेत दिएको थियो । तर, तालिम पाएका कर्मचारीहरु पनि अन्यत्र सरुवा भएर गएपछि अहिले मेसिन बिग्रिएर काम नगर्ने अवस्थामा पुगेको भन्सार कर्मचारीले बताए ।
अध्ययन नै नगरी अनुदानमा प्राप्त गरेको भरमै नेपाल भित्र्याइएको मेसिन अहिले कर्मचारीहरुका लागि समेत घाडो बनेको छ । सुख्खा बन्दरगाह भन्सार कार्यालयका भन्सार अधिकृत सुशीलप्रसाद शर्माले स्क्यानर मेसिन करिव १५ वर्षअघि चिनियाँ सरकारको अनुदानमा प्राप्त भएको बताए ।
तत्कालीन अवस्थामा उच्च लोडसेडिङ र दक्ष प्राविधिक जनशक्तिको अभावमा मेसिन सुचारु गर्न नसकिएको उनको भनाइ छ । सुख्खा बन्दरगाह भन्सार कार्यालयमा भारतसहित तेस्रो मुलुकबाट दैनिक सयौको संख्यामा कन्टेनर भित्रिन्छन् ।
यस्ता कन्टेनरभित्र रहेका मालवस्तुको भौतिक परीक्षण सरल बनाउन सरकारले स्क्यानर मेसिन ल्याएको थियो । गत महिना अर्थमन्त्री रामशरण महतले वीरगञ्जस्थित सुख्खा बन्दरगाह भन्सार कार्यालयको अनुगमनकोक्रममा भन्सार कर्मचारीले नियोजित ढंगले कन्टेनर स्क्यानर मेसिन बिगारेर राखेको भन्दै सार्वजनिक टिप्पणी गरेका थिए ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
विराटनगर । ट्रकको ठक्करबाट साइकल यात्रीको मृत्यु भएपछि विराटनगर भन्सार कार्यालयमा ढुंगामुढा प्रहार भएको छ । बिहीबार बेलुका भन्सार कार्यालय अघि ट्रकको ठक्करबाट साइकल यात्रीको मृत्यु भएको थियो ।...
काठमाडाैं । भाटभटेनीको ‘बडा अफर’मा चाैतर्फि आलोचना भइरहेकाे छ । एक बोरा चामल किन्दा २ रुपैयाँ छुटको सार्वजनिक गरेकाे अफरकाे चौतर्फी आलोचना भएको हो । एक बोरा चामलमा २...
काठमाडौं । बाढी र पहिरोमा परी देशभर २३९ जनाको मृत्यु भएको छ भने १७ हजार एक सय ३१ जनाको उद्धार भएको छ । बाढीपहिरो प्रभावित क्षेत्रबाट हालसम्म १७ हजार...
काठमाडौं । केही दिनअघि परेको अविरल वर्षासँगैको बाढीपहिरोमा परेकाहरूको उद्धार गर्ने कर्तव्य पालनाको सिलसिलामा नेपाली सेनाका एक अधिकृतसहित तीन जनाको निधन भएको छ । प्रमुख सेनानी मिलन केसीको सिन्धुपाल्चोकको...
