- २० आश्विन २०८३, मंगलवार / Oct 6, 2026
३१ जेठ २०७७ शनिबार, काठमाडौं । कर्णाली प्रदेशमा आज थप ७० जनामा कोरोना संक्रमण भएको छ । सुर्खेतका ४० र दैलेखका ३० जना गरी आज ७० जनामा नयाँ संक्रमण पुष्टि भएको हो । योसँगै कर्णाली प्रदेशमा संक्रमितको संख्या ९१६ पुगेको छ ।
त्यस्तै दैलेख अस्पतालका ५ जना र दुल्लु अस्पतालका ४ जना गरी ९ जना संक्रमित निको भएर घर फर्किएका छन् । कर्णालीमा डिस्चार्ज हुनेको संख्या ९१ पुगेको छ भने मृत्यु हुनेको संख्या ३ पुगेको छ ।
सुर्खेत गुर्भाकोटका १२ जना, भेरीगंगाका १० जना, बराहतालका ९ जना, चौकुनेका ८ जना र वीरेन्द्रनगरका १ जना र दैलेखका ३० जना मध्ये आठबीसका २० जना, नौमुलेका ९ जना र डुङ्गेश्वरका १ जना रहेका छन् ।
सबै ७० जनाको पुष्टि प्रदेश अस्पताल सुर्खेत र पशुपन्छी रोग अन्वेषण प्रयोगशाला सुर्खेतबाट भएको हो । त्यसै आज भेरी अस्पतालको परीक्षणमा ४२ जनामा कोरोना संक्रमण पुष्टि भएको छ ।
अस्पतालले आफ्नो फेसबुक पेजमार्फत विवरण सार्वजनिक गर्दै थप ४२ जनामा कोरोना संक्रमण पुष्टि भएको जनाएको हो । नयाँ थपिएका सङ्क्रमितहरू बाँकेका १९ जना, रोल्पाका १७ जना र बर्दियाका ६ जना छन् ।
