- १२ कार्तिक २०८३, बिहीबार / Oct 29, 2026
१ असार २०७७ काठमाडाैं । जनतालाई राहत र जीवन रक्षाको दरिलो विश्वास दिलाउनु पर्ने सरकार अत्यावश्यक स्वास्थ्य सामग्री खरिददेखि कोभिड–१९ नियन्त्रणका नाममा भ्रष्टाचारमा केन्द्रित भएको कांग्रेसले आरोप लगाएको छ ।
कोरोनापछिको लकडाउन समयलाई सरकारले दुरुपयोग गरेको भन्दै नेपाली काँग्रेसले यस्ताे टिप्पणी गरेको हाे । सहमहामन्त्री डा. प्रकाशशरण महत संयोजक रहेको कोभिड–१९ अनुगमन समितिले कोरोना फैलन नदिनका गरिएको ८३ दिन देखिको लकडाउनको सरकारले उल्टै दुरुपयोग गरेको ठहर हो ।
कुनै ठोस कार्ययोजना र क्रियाशीलता विना सरकारले लकडाउन लम्ब्याएको भन्दै महतले सरकारले सत्ता संघर्षमा समय खेर फालेकाे जिकिर गरे ।
परीक्षणको दायरा र संख्या विस्तार गर्न सरकारलाई झक्झक्याए पनि अत्यावश्यक स्वास्थ्य सामग्रीको पर्याप्त व्यवस्था गर्न, पीसीआर परीक्षण गर्न, कोभिड–१९ का कारण विदेशमा अलपत्र नागरिकको समयमै उद्धार गर्न, क्वारेन्टाइन व्यवस्थापन गर्न र अर्थतन्त्रलाई जोगाउन चुकेको कांग्रेसको ठहर छ ।
