- १३ असार २०८३, शनिबार / Jun 27, 2026
काठमाडौं । फिफा वल्र्डकपलाई लक्षित गर्दै कतारले केही समयका लागि भिजिट भिसा बन्द गर्ने भएको छ । गृहमन्त्रालयले पत्रकार सम्मेलन गर्दै १ नोभेम्बरदेखि डिसेम्बर २३ सम्म भिजिट भिसा बन्द गर्न लागेकाे जानकारी दिएको छ ।
उक्त समयमा फुटबलको रौनक ह्वात बढ्ने हुँदा पर्यटकले मात्र कतार प्रवेश गर्न पाउने भएका छन ।
हय्या कार्ड हुनेहरूले हवाई, स्थल र सामुद्रिक सीमानाबाट प्रवेश पाउने बताइएकाे छ ।
यस निर्णयबाट कतार बाहिर रहेका कतारी नागरिक र कतारी आइडी भएका सबै यात्रु, वर्क परमिट भिसा भएका नयाँ कामदार र कतार सरकारको आधिकारिक स्वीकृतिमा आउने यात्रु तथा पाहुनामा कुनै असर नपर्ने बताइएकाे छ ।
खेल चलिरहेको बेला पनि यी यात्रुहरू कतार आउन जान सक्ने मन्त्रालयले जनाएको छ । हय्या कार्ड भएको व्यक्तिहरू जनवरी २०२३ सम्म कतार बस्न पाउने छन् ।
