कोरोना खोपको दोस्रो मात्रा कर्णालीमा ६९ प्रतिशतलाई दिइयो

सुर्खेत । कोरोना भाइरसविरुद्ध कर्णाली प्रदेशमा ६९ प्रतिशतले खोपको दोस्रो मात्रा लगाएका छन् । नौ लाख ७३ हजार ६ सय ४८ जनाले खोपको दोस्रो मात्रा लगाएको प्रदेश स्वास्थ्य निर्देशनालयले जनाएको छ ।

खोपको पहिलो मात्रा ७० प्रतिशतले लगाएको निर्देशनालयका सूचना अधिकारी पदम केसीले बताए । एक लाख सात हजार ६ सय ८१ जनाले बुस्टर डोज लगाएको केसीको भनाइ छ ।

हाल सबै जिल्लामा कोरोनाविरुद्धको खोप अभियान जारी छ । कर्णालीमा कोभिशिल्ड, एस्ट्राजेनिका, भेरोसेल, फाइजर, मोडर्ना र जोनसन खोप दिइएको हो ।

पछिल्लो समय कर्णालीमा कोरोना सङ्क्रमण दर न्यून छ भने प्रदेशमा सक्रिय सङ्क्रमितको सङ्ख्या २६ रहेको छ ।