कोरोना परीक्षण सुस्त गतिमा

२४ बैशाख २०७७ काठमाडाैं । सुदूरपश्चिम प्रदेशमा पछिल्लो २४ घन्टामा २४ जनाको मात्रै पिसिआर विधिबाट कोरोना परीक्षण गरिएको छ ।

धनगढीमा स्थापना गरिएको सिआर मेसिनमार्फत २४ जनाको मात्रै कोरोना परीक्षण गरिएको हो । २४ जनाको पिसिआर र १ सय ५७ जनाको RDT गर्दा कसैमा पनि संक्रमण र एन्टिबडी पोजेटिभ नदेखिएको जनाइएको छ ।

चार घण्टाको अवधिमा ९६ जनाको परीक्षण गर्न सक्ने क्षमतासहितको मेसिन भए पनि निकै कम संख्यामा परीक्षण गरिएको प्रयोगशालाले जनाएको छ । अहिलेसम्म सुदूरपश्चिम प्रदेशमा दुई हजार ९ सय १९ जनाको पिसिआरबाट कोरोना परीक्षण भएको छ भने १४ हजार ४ सय १ जनाको RDT गरिएको छ । स्थानीयका अनुसार परिक्षण सुस्त गतीमा परिक्षण भैरहेकाे छ ।