- २ भाद्र २०८३, मंगलवार / Aug 18, 2026
ओखलढुंगा । लिखु गाउँपालिका अध्यक्षका उम्मेदवार बनेका मिलन कुमार विष्टविरुद्ध पक्राउ पुर्जी जारी भएको छ । उनी वैशाख ३० गते हुने स्थानीय तह निर्वाचनमा नेकपा एमालेबाट गाउँपालिका अध्यक्षको उम्मेदवार बनेका छन् ।
भक्तपुर जिल्ला अदालतले बैंकिङ कसुर तथा दोहोरो नागरिकता लिएको कसुरमा खोजबिनका लागि जिल्ला प्रहरी कार्यालय ओखलढुंगालाई पक्राउ पुर्जी पठाएको डिएसपी सुकदेव खनालले बताए ।
लिखु गाउँपालिका–९ घर भएका विष्टविरुद्ध २०७७ सालमा भक्तपुरमा मुद्दा दर्ता भएको थियो । उनी फरार रहँदै आएका थिए । स्थानीय तह निर्वाचनमा उम्मेदवार बनेपछि कांग्रेसबाट गाउँपालिका अध्यक्षको उम्मेदवार बनेका अशोक कार्कीले निर्वाचन अधिकृतको कार्यालयमा विष्टविरुद्ध उजुरी दर्ता गराएका थिए ।
