घर भत्किएपछि भाग्ने क्रममा च्यापिएर दाङमा एक वृद्धको ज्यान गयो

दाङ । हावाहुरीसहितको वर्षाले घर भत्किँदा एक वृद्धको मृत्यु भएको छ। दाङमा शनिवार बेलुका आएको उक्त हावाहुरीसहितको पानीले घर भत्किदाँ एक बृद्धको मृत्यु भएको दाङ प्रहरीले जनाएको छ ।

मृत्यु हुनेमा तुलसीपुर उपमहानगरपालिका १२ रजेना बस्ने ७० वर्षीय कुलबहादुर भनिने भगवान केसीको मृत्यु भएको हो। उनकी श्रीमती सकुशल रहेको प्रहरीले जनाएको छ । केसीको परिवारमा तीनजना रहेका थिए।

हावाहुरीको समयमा घरमा वृद्ध दम्पती मात्र थिए। हावाहुरीसहित आएको पानीले घरको एक छेउ भत्किएपछि बाहिर भाग्ने क्रममा च्यापिएर उनको मृत्यु भएको हो।