- ११ कार्तिक २०८३, बुधबार / Oct 28, 2026
१४ असार २०७७ रुकुम । मुसिकोट नगरपालिका वडा न ९ स्थित घोर्नेटीमा रहेको तरकारी सङ्कलन केन्द्र सुचारु भएको छ । तीन लाखको लागतमा निर्माण गरिएको तरकारी सङ्कलन केन्द्रको भवन संचालन गरिएसंगै तरकारी सङ्कलन गरेर बिक्री बितरण सुरु गरिएको हो ।
जनचेतना कृषक समुहले लिङगुरमा १९ वटा टनेलमा पाच जनाले सामुहिक तरकारी खेती गरेर उत्पादन गरेको तरकारी र अन्य ११ जनाले ब्यक्तिगत रुपमा १० वटा टनेल र खुल्ला रुपमा ताजा तरकारी उत्पादन गर्दै आएपनि बिक्रिका लागि केन्द्र नहुदा समस्यामा पर्दैआएका थिए ।
अहिले उक्त केन्द्र संचालनमा आएपछि उनिहरुले उत्पादन गरेको सम्पुर्ण तरकारी घोर्नेटिमा जम्मा गरेर एकमुष्ट रुपमा बजारमा लगेर बिक्री गर्न सुरु गरेका छन् । टमाटर तथा तरकारी सङ्कलन गर्नको लागि आबश्यक पर्ने ३० वटा क्यारेट र नापतौलका लागि काटाको ब्यबस्था वडा कार्यालयले निशुल्क उपलब्ध गराएको छ ।
टमाटर, भिरेखुर्सानी, काक्रा, भान्टा आदि धमाधम सङ्कलन गरेर बिक्रि भैरहेको छ । किसानले गाउँमा उत्पादन गरेको तरकारी गाउँमै सङ्कलन गरेर बिक्रि हुनथालेपछि कृषकहरु खुसी भएका छन् । किसानको उत्पादन गरेको तरकारी बिक्रिको जिम्मा वडा कार्यालयले लिएपछि किसानले वडा कार्यालयलाई धन्यवाद दिएका छन् ।
उत्पादन बढाउन र सामुहिक तरकारी खेती गर्न किसानलाई वडा कार्यालयले सघाउ पु¥याएको भन्दै वडाध्यक्ष नविन ओलीले उत्पादित तरकारी सबै वडाकार्यालयले जिम्मा लिने गरेको बताए । उत्पादनका लागि चाहिने आवश्यक कुराको ब्यवस्था समेत वडा सरकारले गर्ने अध्यक्ष ओलीले प्रतिबद्धता जनाएका छन् ।
