- ११ कार्तिक २०८३, बुधबार / Oct 28, 2026
१४ असार २०७७ काठमाडौं । बालुवाटारमा बसेर नेकपाले रजाँइमात्रै गरेको छैन, उसले बालुवाटारबाटै आर्थिक रूपमा राज्यलाई दोहन गरिरहेको आरोप प्रतिपक्षले आरोप लगाएको छ । नेकपाले पार्टीका सबै गतिविधि, भेटघाट, बैठक, भेला र भोजभतेर गरेर राज्यकोषको दुरुपयोग गरिरहेको प्रमुख प्रतिपक्षले ठहर गरेको छ ।
नेकपाले सत्ता र शक्तिको आडमा प्रधानमन्त्रीको सरकारी निवास बालुवाटारको पूर्वाधार, स्रोत र साधन दुरुपयोग गरिरहेको कांग्रेस प्रवक्ता विश्वप्रकाश शर्माले आरोप लगाएका छन् । बालुवाटारलाई पार्टीको आन्तरिक दाउपेचको अखडा बनाएर आर्थिक दोहन गरिरहेको उनको ठकर छ ।
प्रधानमन्त्रीको स्वास्थ्यप्रति संवेदनशील भएर विषय जोडदार रूपमा उठाइएको, एकतापछि सबैजसो बैठक बालुवाटारमै बसेको, तर प्रधानमन्त्रीको स्वास्थ्यप्रति संवेदनशील बन्नुपरेका कारण यस्तो गर्नु परेको नेकपा वरिष्ठ नेता झलनाथ खनालले स्वीकारेका छन् ।
पार्टी एकतापछि लगभग ५० भन्दा बढी बैठक बालुवाटारमा बसेको नेकपाले जनाएको छ । दुईवटा केन्द्रीय कार्यालय रहेका नेकपाका सबै बैठक बालुवाटार केन्द्रीत हुनुले काँग्रेस सशंकित भएको हो । शनिबार पनि नेकपा बैठक प्रधानमन्त्रीको सरकारी निवास बालुवाटारमै बसेपछि काग्रेसले यस्तो अभिव्यक्ति दिएको हो ।
