- ७ असार २०८३, आईतवार / Jun 21, 2026
१४ असार २०७७ काठमाडौं । प्रधानमन्त्री केपी शर्मा ओलीले अनौठो खुलासा गरेका छन् । लिम्पियाधुरा, महाकाली र लिपुलेकलाई समेटेर नेपालको नयाँ नक्सा जारी गरेकै कारण भारतले आफूलाई प्रधानमन्त्रीबाट हटाउने खोजेको खुलासा गरेका हुन ।
आज मदन भण्डारीको ६९ औं जन्मोत्सवका अवसरमा बालुवाटार आयोजित कार्यक्रममा प्रधानमन्त्री ओलीले हप्ता १५ दिनमा प्रधानमन्त्री परिर्वतन हुँदैछ भनेर भारतीय मिडिया कुर्लिरहेको बताए । भारतको राज्य संयन्त्र सक्रियतापूर्वक लागिरहेको भन्दै ओलीले भारतको सपना पुरा नहुने दावी गरे ।
अहिले नेपालले आफ्नो जमिन फिर्ता ल्याउन खोज्दा भारत आफूलाई हटाउन विभिन्न हत्कण्डा अपनाउन खोजिएको जिकिर गरे । नेपालको नक्सा छापेबापत प्रधानमन्त्रीलाई हटाउने भारतको चाल पूरा नहुने भन्दै ओलीले नेपालको रााष्ट्रियता कमजोर नभएको र नेपालले आफ्नो जमिन फिर्ता ल्याएरै छाड्ने बताए ।
