- १७ असार २०८३, बुधबार / Jul 1, 2026
एजेन्सी । तेलुगु टिभी धारावाहिककी एक अभिनेत्रीले आत्महत्या गरेकी छिन् । आन्ध्रप्रदेशकी २६ वर्षिया श्रावणीलाई मंगलबार कोठाको पङ्खामा झुण्डिएको अवस्थामा भेटिएको हो ।
झुण्डिरहेको अवस्थामा भेटेपछि परिवारले उनलाई अस्पताल पुर्याए पनि डाक्टरले मृत घोषित गरे । काकिनाडाका एक व्यक्तिले तनाव दिइरहेका कारण अभिनेत्री आत्महत्या गर्न बाध्य भएको आमाबुवाले आरोप लगाएका छन् । अधिकारीका अनुसार मंगलबार राती आफ्नो आमा–बुवासँग कुरा गरेपछि श्रावणी कोठामा गएकी थिइन् ।
जब उनी बाहिर निस्किइनन् तब परिवारका सदस्यले ढोका ढक्ढकाए, भित्रबाट केही जवाफ नपाउँदा उनीहरु कसैगरी कोठाभित्र जाँदा उनलाई झुण्डिएको अवस्थामा भेटिएकी हुन् । श्रावणीले थुप्रै टेलिभिजन धारावाहिकमा अभिनय गरेर चर्चाबटुलेकी थिइन् ।
