- ६ कार्तिक २०८३, शुक्रबार / Oct 23, 2026
भक्तपुर । चाँगुनारायण नगरपालिका वडा नं. ४ मा वडाध्यक्षसहित नेकपा एमालेको प्यानल नै विजयी भएको छ । स्थानीय तहको निर्वाचन २०७९ अन्तर्गत सो वडाको मंगलबार सम्पन्न मतगणनासँगै प्यानल विजयी भएको हो ।
वडाध्यक्षका उम्मेदवार बनेका रोजबहादुर तामाङले १ हजार ३ सय ३७ मतका साथ विजयी बनेका हुन । महिला सदस्यले १ हजार ४ सय ९८, दलित महिला सदस्यले १ हजार ३ सय ९४, वडा सदस्यद्वयले क्रमशः१ हजार २ सय ८७ र १ हजार २ सय ७० मत पाएका थिए ।
प्रतिद्वन्द्वी काँग्रेसका बलबहादुर श्रेष्ठले १ हजार ९९ मत पाएका थिए । यहाँ स्वतन्त्र उम्मेदवार दिनेश खनालले सुरुवाती चरणमा एमाले र काँग्रेस दुबैलाई उछिनेका थिए । उनले ६ सय ९ मत प्राप्त गरे ।
त्यसैगरी नेकपा माओवादीका रामकुमार तामाङले १८८ मत प्राप्त गरे ।
राष्ट्रिय प्रजातन्त्र पार्टीका कोमल दीप थापा १४४, राष्ट्रिय प्रजातन्त्र पार्टी नेपालका सन्तोष खत्रीले १३ मत प्राप्त गरेका थिए ।
