- Apr 22, 2025
२१ बैशाख २०७७ काठमाडौं । सत्तारुढ नेपाल कम्युनिष्ट पार्टी (नेकपा)को आन्तरिक विवाद बढेपछि चीनले हस्तक्षेप गरेको खुलासा भएको छ । प्रधानमन्त्री केपी ओलीलाई दुवै पदबाट हटाउन एक समुह सक्रिय भएपछि ओलीले चीनलाई गुहारेको खुलेको हो ।
नेकपाका अध्यक्ष प्रचण्ड र नेता माधब कुमार नेपालले प्रधानमन्त्री ओली पक्षलाई घोचपिच गरेको आरोप ओली पक्षको छ । केहिदिन देखि नेकपामा विवादका सिनारियो चुलिएको थियो । नेकपा उच्च स्रोतका अनुसार चुलिएको विवाद साम्य पार्न चिनियाँ पक्षले ओलीको बिरुद्ध नजान प्रचण्डलाई दवाव दिएको बुझिएको छ ।
नेकपामा आन्तरिक विवाद बल्झिदै जाँदा चिनियाँ राजदूत होउ यान्छीले नै प्रधानमन्त्री केपी ओलीलगायत शीर्ष नेतासँग राजनीतिक भेटवार्ता सम्पन्न गरेकी छन् । कोरोना संक्रमण र लकडाउनका बेला पनि राजदूत याङछीले नेकपा अध्यक्ष प्रचण्ड र वरिष्ठ नेता माधवकुमार नेपालसँग निवासमै पुगेर सूझाएकी थिइन् ।
त्यसपछि प्रधानमन्त्री केपी शर्मा ओलीलाई भेटेकी यान्छीले सोमबार साँझ राष्ट्रपति भवन शीतलनिवास पुगेर राष्ट्रपति भण्डारी र चिनियाँ समकक्षी सी जिनपिङबीच (४५ मिनेट) टेलिफोन वार्ताद्धारा सहजीकरण गरेको स्रोतको दावी छ ।
यहीबीचमा चिनियाँ कम्युनिस्ट पार्टीका विदेश विभाग प्रमुख सङ ताओसहित नेकपा विदेश विभागका प्रतिनिधिमण्डलबीच बुधबार करिब तीन घन्टा लामो भिडियो संवाद भएको खुलेको छ । यो सम्वाद पछि फ्रन्टलाईनका नेताहरु रुष्ट भएको उच्च स्रोतको दावी छ ।
शनिबार बोलाइएको सचिवालय बैठकमा नेताहरूले समूहगत छलफल पनि गरेका थिए । बैठकको सुरुमै प्रधानमन्त्री एवं पार्टी अध्यक्ष ओलीले अहिलेसम्म जे–जे तीतामीठा भए, त्यसलाई बिर्सिन र मिलेर अगाडि बढ्न प्रस्ताव गरेको नेताहरुले बताए । बैठकमा आत्मालोचना गर्दै प्रधानमन्त्री ओलीले मिलेर जानुको विकल्प नभएको भन्दै पार्टीलाई कुनै पनि हालतमा फुट्न नदिने बचन दिएको बैठकमा सहभागि एक नेताले बताए ।
यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।
काठमाडौँ । देशभरका शिक्षकहरू आन्दोलनरत रहेका बेला राष्ट्रिय परीक्षा बोर्डले कक्षा १२ को परीक्षा तोकिएको मितिमा नै सञ्चालन गर्ने निर्णय गरेको छ। शिक्षकहरू विद्यालय छाडेर राजधानी केन्द्रित आन्दोलनमा रहे...
काठमाडौँ । सरकारले सुपारी आयातमा लागू रहेको कोटा हटाएपछि देशमा सुपारी आयात ह्वात्तै बढेको छ। भन्सार विभागका अनुसार २०८१ र ८२ को नौ महिनामा ५८ करोड ८३ लाख रुपैयाँभन्दा...
भक्तपुर । नेपालको प्राचीन धार्मिक र सांस्कृतिक सम्पदाले सजिएको रत्नचूड पर्वत (नगरकोट) को काखमा अवस्थित कलमसीमा १०८ फिट अग्लो भगवान महादेवको भव्य मूर्ति निर्माणका लागि शिव पुराण ज्ञान महायज्ञको...
इलाम । इलाम बजारका १३ वर्षीय एक बालकको व्यवहारमा परिवर्तन आएपछि अभिभावकले चासो राखे । निगरानी बढाएपछि थाहा भयो, बालकले लागुऔषध प्रयोग गर्न थालेछन् । “विद्यालय बन्द हुँदा साथीहरू...
