चिनियाँ राजदूतसंग बढ्यो कांग्रेस सभापति देउवाको चाँसो

काठमाडौं । संसद पुनःस्थापना भएसँगै नेपालमा भएको पछिल्लो राजनीतिक घटनाक्रमपछि राजदुतहरुको चाँसो बढेको छ । चीन र भारतीय राजदूतले सक्रियता बढाएका छन् । यहीबीचमा चीनकी राजदूत होउ यान्छीले कांग्रेसका सभापति शेरबहादुर देउवालाई भेटेकी छन् भने

भारतीय राजदुत विनय मोहन क्वात्राले पनि देवासंग भेट गरेका छन् । दुवैले देउवा निवास बूढानीलकण्ठ पुगेर नेपालको पछिल्लो राजनीतिक घटनाक्रमबारे छलफल गरेको काँग्रेस स्रोतले बताएको छ ।

प्रधानमन्त्री ओलीको सिफारिसमा राष्ट्रपति विद्यादेवी भण्डारीले पुस ५ गते प्रतिनिधिसभा विघटन गरेपछि तात्तिएको राजनीति, संसद विघटनविरुद्ध अदालतमा परेका १३ वटा रिट र रिटउपर फागुन ११ गते संसद विघटन गर्ने सरकारको निर्णय बदर गरेको सर्वोच्च अदालतको फैसलाले माहोल गतिमा बढेको छ ।

नेकपा (प्रचण्ड–नेपाल पक्षका अध्यक्षद्धय पुष्पकमल दाहाल र माधव नेपाल पनि देउवा निवास पुगेर भेटवार्ता गरेका थिए । यतिबेला नेपाली काँग्रेस सरकार गठनमा निर्णायक भूमिकामा देखिएको छ ।